السلام عليكم ورحمة
واش راكم خياتي ؟؟ ان شاء الله كامل بخير وعافية
أروع وأسرع طريقة للتسمين
حبيت نتكلملكم على الكديرة قبل ما نكتب موضوع التمارين الرياضية باسك هي عندها علاقة بالموضوع
وعلابالي رح تكثر فيها الأسئلة على هذا حبيت نبدى بيها
راهي متواجدة في كل بيت جربوها وشوفو
ما نطولش عليكم نبداو باسم الله :
الكديرة " القديرة بالمغربية " هي طريقة النساء الصحراويات في التسمين لانهم معروفين انهم يحبو السمانات وعلى هذا البنت كي تكون رح تتزوج يديرولها أهلها طريقة الكديرة باش تتعمر في أماكن معينة
واش نحتاجو للكديرة ؟
نحتاجو شمعة ما تكونش طويلة تكون بهاذ الطول فقط
ونحتاجو غطاء قارورة البيبسي أو الماء المهم مغطى باش نلصقو فيه الشمعة (( باش تولي تسيح في الغطاء لما تكون مشتعلة ))
ونحتاجو زجاجة فارغة ونقية يعني تكون مغسولة مليح تع الشونبينيو ولا النيوتيلا ولا الطماطيش .. الي عندكم المهم يكون فهما شوي واسع كيما هاذي (( أكيد تكون بدون غطاء ))
ونحتاجو زيت الزيتون باش ندهنو بيه المنطقة
نروحو للطريقة :
مثلا نقولو انك رح تستعملي الكديرة لمنطقة الأفخاذ
تجيبي زيت اليتون وتدهني بيه الفخذ تشعلي الشمعة الي راهي لاصقة فالمغطى وتحطيها فوق فخذك وتحطي عليها الزجاجة مقلوبة يعني تحطيها على فمها .. يعني تكون الشمعة داخل الزجاجة فوق فخذك .. هكذا
إضغط هنا لرؤية الصورة بحجمها الطبيعي.
وبعد ما تحطيها بهاذ الشكل رح تلاحظي انو الشمعة طفات والجلدة تجبدت لداخل " مثل الحجامة "
هنا تبداي تحركي في الزجاجة بحركات دائرية أو طولية هكذا .. (( ماشي تبداي تدوي فالزجاجة لالا تحركيها يعني تمشيها فوق المنطقة صح رايحة تجيك صعيبة في لول لكن غير توالفي صايي .. راهي مع الي تكون المنطقة مدهونة بالزيت رح تمشي الزجاجة بسهولة
إضغط هنا لرؤية الصورة بحجمها الطبيعي.
بعد ما تحكريها نحيها راهي راح تتنحى وحدها وروحي أعملي للرجل لخرى نفس العملية
ايا خلاصت المهمة
ملاحظة مهمة : لازم لازم بعد ما تعملي الكديرة لاي منطقة وتكملي طول تروحي تاكلي حاجة فيها سعرات حرارية كثيرة مثلا مقرون بالبيشاميل والفرماج .. كاس حليب وبعدو تاكلي الشيكولا .. او تعمليها قدام لغداء اذا كنتي عارفة انو لغداء فيه لحم أو دجاج ... لأنو الكديرة بدون ماكلة يعني مش رح تشوفي نتائج أبدا
تقدري تعمليها كل ثلاث أيام أو مرة في الأسبوع
ملاحظة : ممنوع إستعمال الكديرة للوجه أو الصدر لأنهم منطقتين حساستين والجلد فيهم رقيق جدا وحساس ممنووع منعاً باتًا إستعمال الكديرة للصدر والوجه
